ICAR- Central Institute of Agricultural Engineering ਵੱਲੋਂ ਨਰਮਾ ਚੁਗਾਈ ਲਈ ਦੇਸ਼ੀ ਮਸ਼ੀਨ ਕਿਸਾਨਾਂ ਨੂੰ ਸਮਰਪਿਤ
ਭੋਪਾਲ: ਕਪਾਹ ਉਤਪਾਦਕ Cotton Growers ਕਿਸਾਨਾਂ ਲਈ ਖੁਸ਼ ਖ਼ਬਰ ਹੈ। ਨਰਮਾ ਚੁਗਾਈ ਦੀ ਦੇਸ਼ੀ ਮਸ਼ੀਨ Cotton Picking Machine ਆ ਗਈ ਹੈ। ਜਲਦ ਹੀ ਹੁਣ ਨਰਮੇ ਦੇ ਖੇਤਾਂ ਵਿਚ ਚੋਣੀਆਂ ਦੀ ਥਾਂ ਤੇ ਇਹ ਮਸ਼ੀਨ Indigenous Cotton Harvesting Machine ਨਰਮਾ ਚੁਗਾਈ ਕਰਦੀ ਵਿਖਾਈ ਦੇਵੇਗੀ। ਪਹਿਲਾਂ ਇਸ ਲਈ ਵਿਦੇਸ਼ੀ ਮਸ਼ੀਨਾਂ ਉਪਲਬੱਧ ਤਾਂ ਸਨ ਪਰ ਉਹ ਮਹਿੰਗੀਆਂ ਹੋਣ ਕਾਰਨ ਇੰਨ੍ਹੀਆਂ ਕਾਮਯਾਬ ਨਹੀਂ ਸੀ ਰਹੀਆਂ ਕਿਉਂਕਿ ਉਹ ਵਿਦੇਸ਼ ਦੇ ਵੱਡੇ ਖੇਤਾਂ ਅਤੇ ਉਥੋਂ ਦੀਆਂ ਜਰੂਰਤਾਂ ਅਨੁਸਾਰ ਸੀ ਪਰ ਇਹ ਮਸ਼ੀਨ ਭਾਰਤ ਦੀ ਆਪਣੀ ਦੇਸ਼ੀ ਮਸ਼ੀਨ ਹੈ। ਇਸ ਨੂੰ ਬਣਾਇਆ ਹੈ ICAR- Central Institute of Agricultural Engineering ਦੇ ਵਿਗਿਆਨੀਆਂ ਨੇ ਅਤੇ ICAR- Central Institute of Agricultural Engineering ਦੇ 51ਵੇਂ ਸਥਾਪਨਾ ਦਿਵਸ ਸਮਾਰੋਹ ਦੌਰਾਨ ਵਿਗਿਆਨੀਆਂ ਵੱਲੋਂ ਤਿਆਰ ਕੀਤੀ ਗਈ ਨਰਮਾ (ਕਪਾਹ) ਚੁਗਾਈ ਦੀ ਦੇਸ਼ੀ Cotton Picking Machine ਮਸ਼ੀਨ ਕਿਸਾਨਾਂ ਨੂੰ Bhopal ਵਿਖੇ ਸਮਰਪਿਤ ਕੀਤੀ ਗਈ ਹੈ। ਇਹ ਮਸ਼ੀਨ ਖਾਸ ਤੌਰ ‘ਤੇ ਕਪਾਹ ਉਗਾਉਣ ਵਾਲੇ ਕਿਸਾਨਾਂ ਦੀ ਲੰਮੇ ਸਮੇਂ ਤੋਂ ਚੱਲ ਰਹੀ ਮੰਗ ਨੂੰ ਧਿਆਨ ਵਿੱਚ ਰੱਖ ਕੇ ਤਿਆਰ ਕੀਤੀ ਗਈ ਹੈ।
ਕਿਸਾਨਾਂ ਵੱਲੋਂ ਹੁਣ ਤੱਕ ਨਰਮੇ ਦੀ ਚੁਗਾਈ Cotton Picking ਪੂਰੀ ਤਰ੍ਹਾਂ ਹੱਥਾਂ ਨਾਲ ਕੀਤੀ ਜਾਂਦੀ ਸੀ, ਜਿਸ ਕਾਰਨ ਸਮਾਂ, ਮਜ਼ਦੂਰੀ ਅਤੇ ਲਾਗਤ ਤਿੰਨਾਂ ਵਿੱਚ ਵੱਡਾ ਖਰਚਾ ਹੁੰਦਾ ਸੀ। ਮਜ਼ਦੂਰਾਂ ਦੀ ਘਾਟ ਅਤੇ ਵੱਧ ਰਹੀਆਂ ਮਜ਼ਦੂਰੀ ਦਰਾਂ ਕਾਰਨ ਕਿਸਾਨਾਂ ਨੂੰ ਖਾਸ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਸੀ। ਇਸ ਤੋਂ ਬਿਨ੍ਹਾਂ ਇਸ ਮੁਸਕਿਲ ਕੰਮ ਨੂੰ ਕਰਨ ਲਈ ਮਜਦੂਰ ਹੁਣ ਰੂਚੀ ਵੀ ਨਹੀਂ ਲੈ ਰਹੇ ਸੀ। ਇਸ ਨਵੀਂ ਦੇਸ਼ੀ ਅਤੇ ਕਿਫਾਇਤੀ ਮਸ਼ੀਨ ਨਾਲ ਚੁਗਾਈ ਦੀ ਪ੍ਰਕਿਰਿਆ ਤੇਜ਼, ਆਸਾਨ ਅਤੇ ਘੱਟ ਲਾਗਤ ਵਾਲੀ ਬਣੇਗੀ।
ਇਸ ਮਸ਼ੀਨ Cotton Picking Machine ਦੀ ਕੀਮਤ 15 ਲੱਖ ਰੁਪਏ ਹੋਵੇਗੀ ਅਤੇ ਇਹ ਟਰੈਕਟਰ ਨਾਲ ਚੱਲੇਗੀ। ਇਸ ਨਾਲ ਚੁਗਾਈ ਤੋਂ ਪਹਿਲਾਂ ਇਕ ਸਪ੍ਰੇਅ ਕਰਕੇ ਸਾਰੇ ਪੱਤੇ ਸੁਕਾ ਲਏ ਜਾਂਦੇ ਹਨ ਅਤੇ ਫਿਰ ਇਹ ਮਸ਼ੀਨ ਸਾਰਾ ਨਰਮਾ ਚੁੱਗ ਲੈਂਦੀ ਹੈ। ਇਸ ਤਹਿਤ ਲਾਇਨ ਤੋਂ ਲਾਇਨ ਦੀ ਦੂਰੀ ਦਾ ਖਾਸ ਖਿਆਲ ਰੱਖਣਾ ਪੈਂਦਾ ਹੈ।ਇਹ ਦੇਸ਼ੀ ਨਰਮਾ ਚੁਗਾਈ ਮਸ਼ੀਨ Cotton Picking Machine ਕਪਾਹ ਪੈਦਾ ਕਰਨ ਵਾਲੇ ਕਿਸਾਨਾਂ ਲਈ ਇੱਕ ਵੱਡੀ ਰਹਤ ਸਾਬਤ ਹੋਵੇਗੀ ਅਤੇ ਖੇਤੀ ਨੂੰ ਹੋਰ ਲਾਭਕਾਰੀ ਦਿਸ਼ਾ ਵੱਲ ਲੈ ਜਾਵੇਗੀ।
