ਮਿਆਰੀ ਆਲੂ ਬੀਜ Potato Seed Production ਦੀ ਪੈਦਾਵਾਰ ਲਈ ਬਾਗਬਾਨੀ ਵਿਭਾਗ ਵੱਲੋਂ ਕੀਤਾ ਜਾ ਰਿਹਾ ਕਿਸਾਨਾਂ ਨੂੰ ਉਤਸ਼ਾਹਤ
ਵਿਭਾਗ ਵਲੋਂ ਕੌਮੀ ਬਾਗਬਾਨੀ ਮਿਸ਼ਨ ਸਕੀਮ National Horticulture Mission Scheme ਅਧੀਨ 50 ਫ਼ੀਸਦੀ ਸਬਸਿਡੀ ਦੀ ਹੈ ਵਿਵਸਥਾ
ਵਿਭਾਗ ਵਲੋਂ ਕਿਸਾਨਾਂ ਨੂੰ ਜਾਗਰੂਕ ਕਰਨ ਲਈ ਕਰਵਾਈ ਜਾ ਰਹੀ ਹੈ ਐਕਸਪੋਜ਼ਰ ਵਿਜ਼ਿਟ
ਰੂਪਨਗਰ, 11 ਫਰਵਰੀ: ਬਾਗਬਾਨੀ ਵਿਭਾਗ ਰੂਪਨਗਰ Horticulture Department Rupnagar ਵਲੋਂ ਜ਼ਿਲ੍ਹੇ ਵਿੱਚ ਆਲੂਆਂ ਦਾ ਰਕਬਾ Area Under Potato Cultivation ਮਿਆਰੀ ਆਲੂ ਬੀਜ Potato Seed ਅਧੀਨ ਲਿਆਉਣ ਲਈ ਲਗਾਤਾਰ ਉਪਰਾਲੇ ਕੀਤੇ ਜਾ ਰਹੇ ਹਨ। 
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸਹਾਇਕ ਡਾਇਰੈਕਟਰ ਬਾਗਬਾਨੀ ਰੂਪਨਗਰ ਡਾ. ਪਰਮਜੀਤ ਸਿੰਘ ਨੇ ਦੱਸਿਆ ਕਿ ਸਬਜ਼ੀਆਂ ਵਿੱਚੋਂ ਆਲੂ ਇੱਕ ਅਹਿਮ ਫ਼ਸਲ ਹੈ ਅਤੇ ਜ਼ਿਲ੍ਹੇ ਵਿੱਚ ਆਲੂਆਂ ਅਧੀਨ ਰਕਬਾ ਵੀ ਸਭ ਤੋਂ ਵੱਧ ਹੈ, ਪ੍ਰੰਤੂ ਇਹ ਰਕਬਾ ਪ੍ਰਮਾਣਿਤ ਬੀਜ ਅਧੀਨ ਨਾ ਹੋਣ ਕਰਕੇ ਜਿੱਥੇ ਆਲੂਆਂ ਦੀ ਪੈਦਾਵਾਰ ਘੱਟ ਹੈ ਉੱਥੇ ਨਾਲ ਹੀ ਕੁਆਲਿਟੀ ਵੀ ਕੋਈ ਜ਼ਿਆਦਾ ਵਧੀਆ ਨਹੀਂ ਹੈ।
ਉਨ੍ਹਾਂ ਦੱਸਿਆ ਕਿ ਕਿਸਾਨਾਂ ਪ੍ਰਤੀ ਜਾਗਰੂਕਤਾ ਘੱਟ ਹੋਣ ਕਰਕੇ ਕਿਸਾਨਾਂ ਵਲੋਂ ਆਲੂ ਪੈਦਾ ਕਰਨ ਲਈ ਮਿਆਰੀ ਆਲੂ ਬੀਜ Potato Seed Production ਦੀ ਵਰਤੋਂ ਕਰਨ ਤੇ ਤਵੱਜੋਂ ਨਹੀਂ ਦਿੱਤੀ ਜਾਂਦੀ। ਇਸ ਲਈ ਵਿਭਾਗ ਵਲੋਂ ਕਿਸਾਨਾਂ ਨੂੰ ਇਸ ਪ੍ਰਤੀ ਜਾਗਰੂਕ ਕਰਨ ਲਈ ਕੀਤੇ ਜਾ ਰਹੇ ਉਪਰਾਲਿਆਂ ਤਹਿਤ ਬਲਾਕ ਰੂਪਨਗਰ, ਨੂਰਪੁਰਬੇਦੀ ਅਤੇ ਸ਼੍ਰੀ ਅਨੰਦਪੁਰ ਸਾਹਿਬ ਦੇ ਕਿਸਾਨਾਂ ਦੀ ਆਲੂਆਂ ਦੇ ਸੈਂਟਰ ਆਫ ਐਕਸੀਲੈਂਸ, ਧੋਗੜੀ, ਜਲੰਧਰ Center of Excellence for Potato, Dhogri, Jalandhar ਵਿਖੇ ਇਕ ਦਿਨਾਂ ਐਕਸਪੋਜ਼ਰ ਵਿਜ਼ਿਟ ਆਯੋਜਿਤ ਕੀਤੀ ਹੈ।
ਬਾਗਬਾਨੀ ਵਿਕਾਸ ਅਫ਼ਸਰ (ਸਬਜ਼ੀ) ਡਾ. ਚਤੁਰਜੀਤ ਸਿੰਘ ਰਤਨ ਨੇ ਦੱਸਿਆ ਕਿ ਆਲੂਆਂ ਦੀ ਸਫਲ ਖੇਤੀ Potato Cultivation ਆਲੂ ਬੀਜ ਤੇ ਨਿਰਭਰ ਕਰਦੀ ਹੈ। ਟਿਸ਼ੂ ਕਲਚਰ Tissue Culture ਅਤੇ ਐਰੋਪੋਨਿਕ ਜਿਹੀਆਂ ਅਤਿ ਆਧੁਨਿਕ ਤਕਨੀਕਾਂ ਰਾਹੀਂ ਬਿਮਾਰੀ ਰਹਿਤ ਖ਼ਾਸ ਕਰਕੇ ਵਿਸ਼ਾਣੂ ਰਹਿਤ ਆਲੂ ਬੀਜ Disease Free Potato Seed Production ਤਿਆਰ ਕਰਨਾ ਅੱਜ ਦੇ ਸਮੇਂ ਦੀ ਅਹਿਮ ਲੋੜ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਸੈਂਟਰ ਵਿਖੇ ਆਲੂ ਬੀਜ ਤਿਆਰ ਕਰਨ ਲਈ ਵਰਤੀਆਂ ਜਾ ਰਹੀਆਂ ਇਸ ਤਰ੍ਹਾਂ ਦੀਆਂ ਆਧੁਨਿਕ ਤਕਨੀਕਾਂ ਨੂੰ ਕਿਸਾਨਾਂ ਪ੍ਰਤੀ ਜਾਗਰੂਕ ਕਰਨਾ ਹੀ ਇਸ ਦੌਰੇ ਦਾ ਮੁੱਖ ਮਕਸਦ ਹੈ। ਕਿਸਾਨਾਂ ਨੂੰ ਸੈਂਟਰ ਦਾ ਦੌਰਾ ਕਰਵਾਉਂਦਿਆਂ ਉਨ੍ਹਾਂ ਦੱਸਿਆ ਕਿ ਵਿਭਾਗ ਦੇ ਇਸ ਸੈਂਟਰ ਵਿਖੇ ਟਿਸ਼ੂ ਕਲਚਰ ਲੈਬ Tissue Culture Lab ਸਥਾਪਿਤ ਕੀਤੀ ਹੋਈ ਹੈ ਜਿਸ ਵਿੱਚ ਆਲੂਆਂ ਦੇ ਬੂਟੇ ਤਿਆਰ ਕਰਨ ਉਪਰੰਤ ਇਹ ਬੂਟੇ ਐਰੋਪੋਨਿਕ ਯੂਨਿਟ ਅਤੇ ਨੈੱਟ ਹਾਊਸ Net House ਵਿੱਚ ਮਿੰਨੀ ਟਿਊਬਰ Mini Tuber ਪੈਦਾ ਕਰਨ ਲਈ ਕਿਸਾਨਾਂ ਨੂੰ ਮੁਹਈਆ ਕੀਤੇ ਜਾਂਦੇ ਹਨ। ਇਸ ਮੌਕੇ ਕਿਸਾਨਾਂ ਨੂੰ ਸੈਂਟਰ ਵਿਖੇ ਐਰੋਪੋਨਿਕ ਯੂਨਿਟ, ਨੈੱਟ ਹਾਊਸ, ਛੋਟਾ ਕੋਲਡ ਸਟੋਰ ਅਤੇ ਆਧੁਨਿਕ ਮਸ਼ੀਨਰੀ ਵੀ ਦਿਖਾਈ ਗਈ।
ਉਨ੍ਹਾਂ ਨੇ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਦੇਸ਼ ਦੇ ਵੱਖ-ਵੱਖ ਸੂਬਿਆਂ ਵਿੱਚ ਆਲੂ ਬੀਜ Potato Seed Demand in India ਦੀ ਮੰਗ ਨੂੰ ਮੁੱਖ ਰੱਖਦੇ ਹੋਏ ਸਾਨੂੰ ਰਾਸ਼ਨ ਆਲੂ ਦੀ ਬਜਾਏ ਬੀਜ ਆਲੂ ਪੈਦਾ ਕਰਨ ਵੱਲ ਧਿਆਨ ਦੇਣ ਦੀ ਲੋੜ ਹੈ ਤਾਂ ਜੋ ਮਿਆਰੀ ਆਲੂ ਬੀਜ ਦੀ ਵਿਕਰੀ ਕਰਕੇ ਵੱਧ ਮੁਨਾਫ਼ਾ ਲਿਆ ਜਾ ਸਕੇ। ਉਨ੍ਹਾਂ ਦੱਸਿਆ ਕਿ ਆਲੂਆਂ ਦੇ ਬੂਟਿਆਂ ਤੋਂ ਆਲੂ ਬੀਜ (ਮਿਨੀ ਟਿਊਬਰ) ਤਿਆਰ ਕਰਨ ਲਈ ਲੋੜੀਂਦੇ ਨੈੱਟ ਹਾਊਸ ਯੂਨਿਟ ਤੇ ਵਿਭਾਗ ਵਲੋਂ ਕੌਮੀ ਬਾਗਬਾਨੀ ਮਿਸ਼ਨ ਸਕੀਮ ਅਧੀਨ 50 ਫ਼ੀਸਦੀ ਸਬਸਿਡੀ ਦੀ ਵਿਵਸਥਾ ਹੈ। ਉਨ੍ਹਾਂ ਨੇ ਕਿਸਾਨਾਂ ਨੂੰ ਇਸ ਸਕੀਮ ਦਾ ਵੱਧ ਤੋਂ ਵੱਧ ਲਾਭ ਲੈਣ ਦੀ ਅਪੀਲ ਕੀਤੀ।
ਇਸ ਮੌਕੇ ਪ੍ਰੋਜੈਕਟ ਅਫ਼ਸਰ ਡਾ. ਦਮਨਦੀਪ ਸਿੰਘ, ਬਾਗਬਾਨੀ ਵਿਕਾਸ ਅਫ਼ਸਰ ਸ਼੍ਰੀ ਅਨੰਦਪੁਰ ਸਾਹਿਬ ਡਾ. ਭਾਰਤ ਭੂਸ਼ਣ, ਬਾਗਬਾਨੀ ਵਿਕਾਸ ਅਫ਼ਸਰ ਨੂਰਪੁਰਬੇਦੀ ਡਾ. ਯੁਵਰਾਜ ਦੇ ਨਾਲ-ਨਾਲ ਸਬ ਇੰਸਪੈਕਟਰ ਸ .ਮੱਖਣ ਸਿੰਘ ਅਤੇ ਸ਼੍ਰੀ ਸੁਮੇਸ਼ ਕੁਮਾਰ ਵੀ ਹਾਜ਼ਰ ਸਨ।
