ਕਿਨੂੰ Kinnow ਦੱਖਣੀ ਪੱਛਮੀ ਪੰਜਾਬ South-Western Punjab ਤੋਂ ਇਲਾਵਾ ਰਾਜਸਥਾਨ Rajasthan ਤੇ ਹਰਿਆਣਾ Haryana ਵਿਚ ਵੀ ਤੇਜੀ ਨਾਲ ਵੱਧ ਰਿਹਾ ਹੈ। ਇਸ ਸਮੇਂ ਅਪ੍ਰੈਲ ਮਹੀਨੇ ਦਾ ਆਖੀਰ ਹੈ ਅਤੇ ਗਰਮੀ ਚਰਮ Heat Wave ਤੇ ਪਹੁੰਚ ਗਈ ਹੈ। ਅਜਿਹੇ ਵਿਚ ਕਿਨੂੰ ਦੇ ਬਾਗਾਂ ਵਿਚ ਸਿੰਚਾਈ Irrigation in Kinnow ਪ੍ਰਬੰਧ ਬਹੁਤ ਮਹੱਤਵਪੂਰਨ ਹੋ ਜਾਂਦਾ ਹੈ।
ਜੇਕਰ ਖੁੱਲਾ ਪਾਣੀ Flood Irrigation ਲਗਾਉਂਦੇ ਹੋ ਤਾਂ ਨਵੇਂ ਲੱਗੇ ਬਾਗ ਨੂੰ 10-15 ਦਿਨ ਬਾਅਦ ਅਤੇ ਵੱਡੇ ਬਾਗ ਨੂੰ 21 ਦਿਨ ਬਾਅਦ ਪਾਣੀ ਦਿਓ। ਇਹ ਬਰਸਾਤਾਂ ਸ਼ੁਰੂ ਹੋਣ ਤੱਕ ਕਰਨਾ ਹੈ। ਪਰ ਇਹ ਵੀ ਖਿਆਲ ਰੱਖਣਾ ਹੈ ਕਿ ਖੇਤ ਵਿਚ ਬਾਗ ਦੀਆਂ ਜੜ੍ਹਾਂ ਵਿਚ ਪਾਣੀ ਖੜ੍ਹੇ ਨਾ।
ਇਸ ਤੋਂ ਬਿਨ੍ਹਾਂ ਜੜ੍ਹਾ ਦੁਆਲੇ ਛੋਟੀ ਵੱਟ ਬਣਾ ਦਿਓ ਤਾਂਕਿ ਪਾਣੀ ਤਣੇ ਨੂੰ ਨਾ ਛੂਹੇ।
ਜੇਕਰ ਡ੍ਰਿਪ ਸਿਸਟਮ Drip Irrigation ਰਾਹੀਂ ਪਾਣੀ ਦਿੰਦੇ ਹੋ ਤਾਂ ਇਸ ਸਮੇਂ 0-2 ਸਾਲ ਦੇ ਪੌਦੇ ਨੂੰ ਰੋਜਾਨਾਂ 16 ਲੀਟਰ, 3 ਤੋਂ 4 ਸਾਲ ਦੇ ਪੌਦੇ ਨੂੰ ਰੋਜਾਨਾ 32 ਲਿਟਰ, 5 ਤੋਂ 6 ਸਾਲ ਦੇ ਪੌਦੇ ਨੂੰ 48 ਲਿਟਰ, 6 ਤੋਂ 8 ਸਾਲ ਦੇ ਪੌਦੇ ਨੂੰ 64 ਲੀਟਰ ਤੇ 9 ਸਾਲ ਜਾਂ ਇਸਤੋਂ ਵੱਡੇ ਪੌਦੇ ਨੂੰ 80 ਲੀਟਰ ਪਾਣੀ ਦਿਓ।
ਇਸ ਤੋਂ ਬਿਨ੍ਹਾਂ ਕਿਨੂੰ ਦੇ ਬਾਗਾਂ ਵਿਚ ਝੋਨੇ ਦੀ ਪਰਾਲੀ ਨਾਲ ਮਲਚਿੰਗ Mulching with Paddy Stubble ਕਰਕੇ ਪਾਣੀ ਦੀ ਬਚਤ ਕੀਤੀ ਜਾ ਸਕਦੀ ਹੈ। ਇਸ ਲਈ ਬੂਟਿਆਂ ਹੇਠ ਪਰਾਲੀ ਦੀ 5-6 ਇੰਚ ਮੋਟੀ ਤਹਿ ਵਿਛਾ ਦਿਓ।
ਇਹ ਵੀ ਯਾਦ ਰੱਖੋ: ਜੇਕਰ ਹਾਲੇ ਤੱਕ ਬੂਟਿਆਂ ਦੇ ਮੁੱਢਾ ਤੇ ਸਫੈਦੀ ਨਹੀਂ ਕੀਤੀ ਤਾਂ ਇਹ ਕੰਮ ਤੁਰੰਤ ਕਰੋ।
No comments:
Post a Comment