ਰੂਪਨਗਰ, 17 ਅਪ੍ਰੈਲ: ਵਿਰਵਾਨਮ ਫਾਊਂਡੇਸ਼ਨ ਵੱਲੋਂ ਪੰਜਾਬ ਐਗਰੋ Punjab Agro ਦੇ ਸਹਿਯੋਗ ਨਾਲ ਪੰਜਾਬ ਵਿੱਚ ਟਿਕਾਊ ਅਤੇ ਜੈਵਿਕ ਖੇਤੀ Organic Farming ਨੂੰ ਹੁੰਗਾਰਾ ਦੇਣ ਲਈ ਕਿਸਾਨ ਜਾਗਰੂਕਤਾ ਅਤੇ ਸਿਖਲਾਈ ਕੈਂਪ Farmer Training Camp ਦਾ ਸਫ਼ਲ ਆਯੋਜਨ ਕੀਤਾ ਗਿਆ।
ਇਹ ਕੈਂਪ ਨੌਜਵਾਨ ਵਾਤਾਵਰਣ ਵਿਗਿਆਨੀ ਵੀਰ ਥਿੰਦ ਦੀ ਅਗਵਾਈ ਹੇਠ ਕਰਵਾਇਆ ਗਿਆ, ਜਿਸਦਾ ਮੁੱਖ ਉਦੇਸ਼ Bio Diversity ਜੈਵ ਵਿਭਿੰਨਤਾ-ਅਨੁਕੂਲ ਖੇਤੀ ਅਭਿਆਸਾਂ ਨੂੰ ਉਤਸ਼ਾਹਿਤ ਕਰਨਾ ਅਤੇ ਕਿਸਾਨਾਂ ਨੂੰ ਵਾਤਾਵਰਣ-ਮਿੱਤਰ ਖੇਤੀ ਮਾਡਲਾਂ Eco Friendly Agriculture Methods ਵੱਲ ਪ੍ਰੇਰਿਤ ਕਰਨਾ ਸੀ।
ਇਸ ਕੈਂਪ ਦੌਰਾਨ ਕੁੱਲ 25 ਕਿਸਾਨਾਂ ਨੇ ਭਾਗ ਲਿਆ। ਉਨ੍ਹਾਂ ਨੂੰ ਪ੍ਰੈਕਟੀਕਲ ਤਰੀਕਿਆਂ ਜਿਵੇਂ ਕਿ ਕੁਦਰਤੀ ਮਿੱਟੀ ਪ੍ਰਬੰਧਨ Soil Management, ਫਸਲੀ ਵਿਭਿੰਨਤਾ Crop Diversity, ਬਾਇਓ-ਇਨਪੁਟਸ Bio Inputs ਦੀ ਵਰਤੋਂ ਅਤੇ ਪਰਾਗਣ ਕਰਨ ਵਾਲੇ ਕੀਟਾਂ ਅਤੇ ਲਾਭਦਾਇਕ ਜੀਵਾਂ ਦੀ ਸੰਭਾਲ ਬਾਰੇ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ ਗਈ।
ਪੰਜਾਬ ਐਗਰੋ ਦੇ ਮਾਹਿਰ ਡਾ. ਤਰੁਣ ਸੈਨ, ਸਤਵਿੰਦਰ ਸਿੰਘ ਪੈਲ਼ੀ ਅਤੇ ਵਿਸ਼ਵਦੀਪ ਸਿੰਘ ਵੱਲੋਂ ਤਕਨੀਕੀ ਮਾਰਗਦਰਸ਼ਨ ਪ੍ਰਦਾਨ ਕੀਤਾ ਗਿਆ। ਉਨ੍ਹਾਂ ਨੇ ਕਿਸਾਨਾਂ ਨਾਲ ਟਿਕਾਊ ਅਤੇ ਆਰਥਿਕ ਤੌਰ ‘ਤੇ ਲਾਭਦਾਇਕ ਜੈਵਿਕ ਖੇਤੀ Organic Farming ਪ੍ਰਣਾਲੀਆਂ ਬਾਰੇ ਮਹੱਤਵਪੂਰਨ ਜਾਣਕਾਰੀ ਸਾਂਝੀ ਕੀਤੀ।
ਇਸ ਮੌਕੇ ਸਥਾਨਕ ਕਿਸਾਨਾਂ ਨੇ ਵੱਡੇ ਉਤਸ਼ਾਹ ਨਾਲ ਭਾਗ ਲਿਆ। ਗੁਰਜੀਤ ਸਿੰਘ ਧੀਰ, ਹਰਮਨਪ੍ਰੀਤ ਸਿੰਘ ਗਿੱਲ, ਦਵਿੰਦਰ ਸਿੰਘ ਝਾਂਡੀਆਂ, ਗੁਰਮੇਲ ਸਿੰਘ, ਮਨਦੀਪ ਸਿੰਘ, ਗਗਨਦੀਪ ਸਿੰਘ, ਦਵਿੰਦਰ ਸਿੰਘ ਅਤੇ ਜਸਵੀਰ ਸਿੰਘ ਲੰਬੜਦਾਰ ਸਮੇਤ ਕਈ ਕਿਸਾਨਾਂ ਨੇ ਜੈਵਿਕ ਖੇਤੀ ਵੱਲ ਰੁਝਾਨ ਦਿਖਾਇਆ ਅਤੇ ਇਸਨੂੰ ਅਪਣਾਉਣ ਲਈ ਆਪਣੀ ਦਿਲਚਸਪੀ ਵੀ ਜ਼ਾਹਿਰ ਕੀਤੀ।
ਵਿਰਵਾਨਮ ਫਾਊਂਡੇਸ਼ਨ Virvanam Foundation ਵੱਲੋਂ ਇਹ ਯਕੀਨ ਦਿਵਾਇਆ ਗਿਆ ਕਿ ਭਵਿੱਖ ਵਿੱਚ ਵੀ ਇਸ ਤਰ੍ਹਾਂ ਦੇ ਕੈਂਪਾਂ ਦਾ ਆਯੋਜਨ ਕਰਕੇ ਕਿਸਾਨਾਂ ਨੂੰ ਟਿਕਾਊ ਖੇਤੀ ਪ੍ਰਣਾਲੀਆਂ ਵੱਲ ਮਾਰਗਦਰਸ਼ਨ ਦਿੱਤਾ ਜਾਵੇਗਾ, ਤਾਂ ਜੋ ਖੇਤੀਬਾੜੀ ਨਾਲ ਨਾਲ ਵਾਤਾਵਰਣ ਦੀ ਸੰਭਾਲ ਵੀ ਯਕੀਨੀ ਬਣਾਈ ਜਾ ਸਕੇ।
No comments:
Post a Comment